SrizanaaOnline

हरेक मान्छे फरक हुन्छ। उसको संसार फरक हुन्छ। उसले हिँड्ने बाटो फरक हुन्छ। उसका भावनाहरू हामीले देखेको र बुझेको भन्दा फरक हुन सक्छन्, उसले भित्र–भित्रै कुनै लडाइँ लडिरहेको हुन सक्छ जो हाम्रो लडाइँ भन्दा बिलकुलै फरक हुन सक्छ। मनभित्र कतै, कसैले नदेख्ने गरी, शान्त रूपमा उसका संघर्षहरू चलिरहेका हुन सक्छन्। आँखाले देखेका सबै कुरा सधैं सत्य हुँदैनन्, सबै कुरा हामी बुझ्न सक्दैनौं। हरेक कथाका अरू पाटाहरू पनि हुन्छन्, जो हामीलाई थाहा नहुन सक्छन्। त्यसैले, कमसेकम अलिकति करुणा राख्न सकौँ, अलिकति दयालु हुन सकौँ किनकि कसैको जीवनमा के चलिरहेको छ, हामीलाई साँच्चै थाहा हुँदैन। — Srizanaa